भारतांतलें कृष्णदास शामा, गोंय राज्य मध्यवर्ती ग्रंथालय हें भारतांतलें सगळ्यांत पोरणें भौशीक ग्रंथालय आसा. 15 सप्टेंबर 1832त व्हायस रॉय डोम मॅन्युएल द पोर्तुगाल ई कॅस्त्रो हाणें ‘पब्लिका लिव्हरारिया’ ह्या नांवान ताची स्थापणूक केली. तिची सुरवात ‘अकादमिया मिलितार द गोवा’ (लश्करी प्रशिक्षण संस्था) ह्या नांवान जाली. 1836 त हें नांव बदलून ‘बिब्लियोथेका पब्लिका’ अशें केलें आनी 1834 त दडपून दवरिल्ल्या धार्मिक आदेशा वरवीं चलयल्ल्या कॉन्व्हेंटांतल्यान हस्तांतरीत केल्ल्या ग्रंथसुचीच्या भांडारान समृध्द केल्ले आसा. त्याच वर्सा, ग्रंथालय नगरपालिकेची कारवाय जावपी परिसरांत स्थलांतरीत केलें, अशे तरेन, गणित आनी लश्करी शास्त्रांचो संग्रह अकादमींत सांडलो आनी प्रशासकीय आनी कायदविशींच्या बाबीचेर बरयल्लीं पुस्तकां सचिवालय ग्रंथालयांत हस्तांतरीत केलीं.
15 फेब्रुवारी 1897त ग्रंथालयाचो दर्जो वाडोवन, राष्ट्रीय ग्रंथालय अशें केले आनी ताचें नांव ‘बिब्लियोथेका नॅशनल द नोवा गोवा’ अशें दवरलें. मार्च 1925त, ताका शिक्षणीक आनी संस्कृतीक संस्थेंत, (इंस्टिट्यूटो वास्को द गामा) जोडले आनी ताची नवी रचना “बिब्लियोथेका नॅशनल वास्को द गामा’ अशी जाली. डिक्रि – लॉ नंबर.38684 तारीख 18 मार्च1952त ‘डिपोझिटो लीगल’ (डिलिव्हरी अधिनेम) चे विशेषाधिकार ह्या ग्रंथालयाक लागू जालें आनी ताचे वरवीं ग्रंथालयाक पोर्तुगाल आनी तिच्या परदेशांतल्या प्रांतांतल्यान सगळीं प्रकाशनां मेळ्ळीं.
सप्टेंबर 1959 सावन बिब्लियोथेका हे संस्थे पासून वेगळें केले आनी ‘सर्व्हिसेस द इन्स्ट्रुकाओ ई सौदे’ (शिक्षण आनी भलायकी सेवा) ह्या प्रशासकीय नियंत्रणा अंतर्गत हाडली; उपरांत ताचें नांव ‘बिब्लियोथेका नॅशनल द गोवा’ अशें दवरलें. मुक्ती पयलींच्या काळांतल्या संग्रहांत मुखेलपणान पोर्तुगीज, फ्रेंच, लॅटीन, इंग्लीश भाशेंतली पुस्तकां आनी नेमाळीं आनी कोंकणी आनी मराठी सारक्यां थळाव्या भाशांतलीं खूब उणीं पुस्तकां आसात. मुक्तीपयलींचें वट्ट संग्रहीत केल्ले सुमार 40,000 खंड आशिल्ले.
कोंकणी गद्याचो संस्थापक आनी सोळाव्या शेंकड्याच्या लिखीत शब्दांत कोंकणी साहित्याचो जनक कृष्णदास शामा गोवा राज्य केंद्रीय ग्रंथालयाक ह्या ग्रंथालयाक नांव दिलां. ग्रंथालयाची सुरवात सावन इंग्लीश, हिंदी, मराठी, कोंकणी, पोर्तुगेज ह्या सारक्या वेगवेगळ्या भाशांनी 1.8 लाखां परस चड पुस्तकां आसात.
कृष्णदास शामा, भारतातलें गोंय राज्य मध्यवर्ती ग्रंथालय गोंय सरकार, कला आनी संस्कृती संचालनालयाच्या प्रशासकीय नियंत्रणा खाला आसा आनी संग्रहालयपाल (क्युरेटर) हे भारतातल्या, ‘कृष्णदास शामा’ गोंय राज्य मध्यवर्ती ग्रंथालयाचे मुखेली आसात.
